Hjálpartól - Byrjan til stóra dagin

Byrjan til stóra dagin

Áðrenn tann stóra dagin eru mangar avgerðir, ið skulu takast! Tí hava vit gjørt hesa “hjálpitólar-síðu”, ið kann vera við til at hjálpa tykkum at fáa tykkara dreymabrúdleyp. Hættirnir at fyrireika eitt brúdleyp eru sera ymiskir, somuleiðis sum vit menniskju øll eisini eru sera ymisk.
Summi ynskja sær eitt stórt “Hollywood” brúdleyp, har onnur ikki seta líka høg krøv til tann stóra dagin. Hóast krøvini og ynskini til tykkara stóra dag eru ymisk, so er altíð gott at vera væl fyrireikaði. Vónandi kann hendan síðan hjálpa tykkum við júst tí.

Síðan verður dagførd so líðandi…:) 

 

Minnis-Listi

Avgerðin er endiliga tikin og tit eru spent til stóra dagin fyri framman. Men so er spurningurin: Hvar skal ein byrja? Hvussu fyrireikar ein eitt brúdleyp?

Les meira her

Hvussu nógv kostar okkara brúdleyp?

Áðrenn tit byrja at bjóða inn til brúdleyp, er tað altíð eitt gott hugskot at gera eitt yvirlit yvir allar útreiðslurnar, so tit kunnu síggja, hvussu nógv tykkara brúdleyp kostar, hvar tit møguliga verða noydd ella hava hug at spara, og hvat tit hava hug at raðfesta høgt.

Les meira her

 

Ynskilistin

Tann størsta gávan frá gestunum í veitsluni er sjálvandi hjáveran, men skal ein vera heilt erligur, er tað sjálvandi eisini rættiliga stuttligt at fáa eina góða brúðargávu.
Um tú ynskir at geva pening í brúðargávu er tað vanligt at siga at "man plagar" at geva 250 kr hvør, so um tú ert eitt par er brúðargávan vanliga á 500 kr. 

Les meira her

 

Brúðarveitarar?

Tað kann verða torført at finna fram til allar teir ymisku brúðarveitarinar. Tí hevur Brúðarportalurin samlað saman eitt stórt yvirlit, av øllum teimum bestu føroysku brúðarveitarinum.

Sí meira her


Sangir til tykkara brúdleyp

Vit hava her samlað nakrar av teimum mest umtøktu felagssongunum, sum tit kunnu brúka til tykkara brúdleyp. Teir eru bæði á føroyskum, donskum og enskum.

Les meira her: www.brudleyp.fo/sangsavn/

 

Kakur til brúdleypi

Mangan er torført at vita akkurát hvussu nógv fólk eru um hvørja kaku, so her hava vit lagt umleið útroknan við til hvussu nógv eru met um at eta hvørja kaku.

Tað eru eisini mangan fólk, sum spyrja okkum er tað vanligt at man hevur eina stóra brúðarkaku, aðrar smærri lagkakur og so eisini smákakur til reseptionina aftaná vígsluna og veitsluna um kvøldi ? og her kunnu vit vit bara svara
Ja tað er tað mest vanliga :) 

Skalt tú t.d. bíleggja eina kransakaku hendan kakan er til umleið 25 fólk https://mylnan.fo/nethandil

Skalt tú t.d. bíleggja eina lagkøku hendan er til umleið 70 fólk https://mylnan.fo/nethandil/

Skalt tú t.d. bíleggja eina Appelsin ostakøku frá Kaffehúsinum, so er hon at finna her:  fyri 495 kr. https://www.kaffihusid.fo/kokur/

Ynskir tú at bíleggja eina ostakøku frá Gómagott eru tær at finna her:https://gomagott.fo  

 

Rúsdrekka til veitsluna

Tá veitslan skal leggjast tilrættis, er eisini ein vanligur spurningur um hvussu nógv rúsdrekka man skal keypa?

Niðanfyri eru nakrir upplýsningar, ið kunnu hjálpa v.v. hesum.

Vælkomstdrykkur t.d. brúsandi vín 
umleið 7 gløs í hvørjari fløsku á 70 cl.

Snapsur 
umleið 25 snapsir í hvørjari fløsku á 70 cl

Vanligt borðhald – 3 rættir
Reyðvín umleið 2 fólk til eina fløsku á 75 cl., um hvítvín eisini verður skonkt
Hvítvín umleið 3 fólk til eina fløsku á 75 cl., um reyðvín eisini verður skonkt 
Øl umleið 3 fløskur til hvørt fólk, har vín eisini verður skonkt 
Øl umleið 5 fløskur til hvørt fólk, har vín ikki verður skonkt 
Vanligt er, at mest fer av pilsnar, síðai classic og so gull. 

Kalt borð 
Vín umleið ½ fløsku til hvørt fólk, um øl eisini verður skonkt 
Øl umleið 3 fløskur til hvørt fólk, har vín eisini verður skonkt 
Øl umleið 5 fløskur til hvørt fólk, har vín ikki verður skonkt

Cognac/likør 
umleið 17 fólk til eina fløsku á 70 cl.
Vanligt er, at mest fer av likøri og síðan cognac

Brennivín/Barr 
umleið 7 fólk til eina fløsku á 70 cl. 
Vanligt er, at mest fer av vodka, síðani ginn og so romm.

Barnadópur/ferming 
umleið 3 fólk til eina fløsku á 75 cl

Reseptión 
7 fólk til hvørja vínfløsku á 75 cl. ella max. 1 glas pr. persón

Gløs pr. fløsku/pakka
1 fløska av reyðvíni = umleið 5-6 gløs 
1 fløska av hvítvíni  = umleið 6-7 gløs 
1 pakka av hvítum pakkavíni - svarar til 4 fløskur á 75 cl.  = umleið 24-28 gløs 
1 pakka av reyðum pakkavíni - svarar til 4 føskur á 75 cl.  = umleið 20-24 gløs

Vegleiðing til samanseting av mati og víni

Tak PDF-fílin niður her (kunningin er tikin frá rusan.fo)

 

Matur pr. kuvert

Ein annar av teimum vanligu spurningunum tá eitt brúdleyp skal leggjast tilrættist er hvussu nógv taka teir ymisku kokkarnar fyri pr. kuvert ? & fylgja tænarar við í hesum prísi ella skal man finna tað sjálvur?
www.brudleyp.fo/veitarar

 

Innbjóðingar, borðkort & takkarkort

Tað eru ymiskar heimasíður har til ber at gera innbjóðingar, borðkort & takkarkort. Hetta er nakað bíligari enn at fáa onnur gera tað fyri tykkum, men krevur so at tit sjálvi brúka tíð uppá at gera tey. Photobox er ein góð síða til hetta endamáli. Um tit ikki tíma at gera hetta sjálvi, so ber eisini til at brúka okkara veitarayvirlit.

 

Góðar app’ir til brúdleyp

Pinterest

Á Pinterest hevur tú møguleika at gera tær ymiskar “uppslags-talvur”, har tú kanst goyma inspiratiónsmyndir til t.d. brúðarkjóla, brúdleypstema/stíl, brúðarmakeup, brúðarmyndir tit ynskja at taka og nógv, nógv annað. Fæst sum app til telefon/teldil og eisini sum heimasíða á tínari teldu.
www.pinterest.com

Big Day App

Hendan app’in er góð, tí hon er ikki bert ein niðurteljingar-app, men eisini ein app, har til ber at seta ymisk dato inn fyri nær ymiskt skal gerast. App’in inniheldur bæði eitt yvirlit og ein kalendara við lítlum hjørtum á teimum týdningarmiklu døgunum. Hóskar sera væl at brúka saman við okkara “minnis-lista”, sum vit hava sett upp og kann síggjast her.

Big Day Lite – Event

Við hesari app, kanst tú telja niður til tykkara brúdleypsdag. Tú velur eitt heiti og mynd, sum hóskar til, og so er bert eftir at gleða seg og telja niður. Fæst sum app til telefon/teldil.
www.bigdayapp.com

 

Brúðarportalurin eisini á Facebook

Brúðarportalurin er eisini virkin á Facebook. Tað merkir at tit eisini kunnu finna ymiskt innan Føroyska brúðarheimin har. Somuleiðis koma vit eisini at luta burt vinningar, so tað er ikki at halda seg aftur!

Brúðarportalurin á Facebook

 

Brúðarportalurin eisini á Instagram

Brúðarportalurin er eisini at finn á Instagram. Vælkomin at hashtagga #brudleypfo tá tit deila myndir av tykkara brúðardegi. So ber til at finna íbástur og annað gjøgnum okkara #hashtag

Brúðarportalurin á Instagram